أرشيف العائلات

أرشيف سما المصري

دير البلح مدينتي تشتهر بالبلح وذلك هو سبب تسميتها في الأساس! يبدأ موسم الرطب والدبس في مدينة دير البلح بقطاع غزة في أواخر فصل الصيف وبداية فصل الخريف، في هادا الموسم كل العيلة بتنزل تحت بالأرض وبنبدا نلم البلح من على النخل الرجال بيروحوا عالأراضي يلموا الكميات الكبيرة واحنا البنات والنساء بيكون دورنا أكتر في المراحل التي تلي مرحلة القطف، بنضحك بنغني واحنا بنشتغل سوا ولما نخلص من قطف البلح، بنغسله وبنقشره وبنفتحها وبنشيل البذرة الي جواها وبعدها بنفردها عالصينية عشان نحطهم بالشمس ينشفوا، بعدها بنغليهم بمي بنصفيهم وبنغليهم تاني عشان يتقل القوام فبيصير عنا الدبس. والي بنستخدمه عشان نعمل المختوم الفلسطيني او اسم اخر (الحوايج) بنضيف عليه مكسرات (عين جمل، كاجو، زبيب، سمسم وحبة البركة) وبناكله مع الخبز كفطور.