قاعدة جنب ثلاجة الموتى ..
في شهيد مش قادرين يتعرفو عليه اللي جابوه ملامحه رايحة، بيكلموا اهله بيسالوه عن اواعيه وصفوهم اواعي غير اللي لقوهم معه، بس هادا مش دليل، سألوه لابس دبلة (واضح انها مميزة) حكالهم الرجال انه في غبرة ع ايديه بس فش دبلة لكن في مكان دبلة واضح .. قالهم تعالوا اتعرفوا عليه من ايديه .. "اخوانه ح يعرفو ايديه" .. حكوله انهم مش لاقيين مواصلات لهلأ عشان يجو !
وهياته متروك وحيد بكيس الموتى، واللي جابوه حاملين الاواعي وحيرانين ..