أصوات من غزة

كتب الصحفي يوسف فارس على حسابه الرسمي على موقع فيسبوك:

شو بيسوى الشمال بدون كل هالي راحوا؟
لما كنا نطلع نمشي في الليل، ما كان في ع رصيف الطرقات نهر ولا شجر مصفوف ومشذب، كان في إلنا أهل، شباب وناس كبار في العمر، صحابنا وآباء صحابنا وأمهاتهم وجداتهم، جيرانا وأحبابنا، بيحبونا وبنحبهم، بيقابلونا بالابتسامة والبِشر والوداعة والطيبة، في كل حارة بنشوفهم وبنقف مع كل واحد شوي، بنحكي كلمتين وبنمزح بنحس حالنا ملكنا الدنيا كلها، البيوت إلي راحت مش أغلى اشي، الناس هما عزوتنا وناسنا، شو تل الزعتر بدون شباب أبو حبل والمبحوح وأبو دغيم ونصار وصالح وسلمان وعفانة، وشو المعسكر بدون أغلى وأطيب وأعذب ناس، من الخلفاء للعودة والحق، كلهم أهلنا وحبايبنا، وشو بيسوى المشروع وبيت لاهيا بدون أبو مالك وموسى ورامي لبد وسائد الدحنون وأبو مقلد؟ خمسة آلاف حبيب ع قلوبنا راحوا في ثلاث شهور، لو تعمر الشمال ١٠٠ مرة رح يظل فاضي وبارد