أصوات من غزة

كتبت رشا حسونة على حسابها الشخصي على موقع فيسبوك:

حرفيا اليوم أنا من شدة البرد بكيت أقسم بالله بكيت من إني مش قادرة أدفي حالي وحسيت أطرافي مشلولة لدرجة إني وأنا متغطية طلبت من وتين تشربني ماي وتطعمني

متخيلين هالشي؟

اليوم وربنا شاهد على ما أقول هالشي حصل وبكيت كتير وقتها إني عاجزة أقوم أكل وأشرب ومالقيت غير وتين جنبي بتطبطب عليا وبتناولني وبتقولي أنام بحضنك ي ماما عشان تصيري سخنة 

كلامها وهي بتحط اللقمة بتمي وبتقولي انتي بوبو ي ماما وأنا بطعميكي وتقولي انتِ قلبي وحبيبتي وعمري خلاني أحس إني عمري ألف سنة ومش قادرة أكل بنفسي وتخيلت إني كبرت ووتين صارت صبية وبتشيل فيا ومهتمة بحالي كتير 

صح كنت بتألم من شدة البرد بس تصرف وتين أعطاني دفء بقلبي وخلاني أبصم بالمليار إنه البنات هما السند بعد الله هما الحنان وهما الونس والتجارة فيهم ومعهم رابحة

والأولاد اسم الله عليهم بالشوارع بجيبهم الجوع ومابشوفهم بعدها إلا للنوم

الحمد لله يلي ربنا أكرمني فيكِ ي وتين والله إنك نعمة كبيرة ربنا يحفظلي إياكِ ويديم وجودك حواليا