أصوات من غزة

كتب كريم جودة على حسابه الشخصي على موقع فيسبوك:

المشكلة في وضع غزة الآن أنه الطاسة ضايعة حرفياً،

والخوف من موضوع الملثمين وطريقة تعاملهم في حال تم تهديد مصالحهم بشكل حقيقي، الي مش معروف ملة أبوهم مين، هل هدول مرتزقة تجار، أم مافيا عائلات، أم عناصر أمنية، والرابط المشترك طبعاً بينهم إنه كلهم ملثمين، اليوم في ملثمين أطلقوا النار على ناس رايحين يفتحوا إحدى البركسات

طب هل هاي الاطراف رح تتوحد مع بعضها؟ ام رح تشتبك فيما بعضها وعند مين المشكلة بالأساس!! الي بعرفه أنه الحرب أنتجت طبقة مشتركة تتحكم في الاقتصاد في غزة وترابط مصالح مخيف، يجمعه المال الذي لا يعد ولا يحصى بالحرب،

حط نفسك محل هاي الطبقة تحت ايدك يوجد 2 مليون نسمة، بدهم يصرفوا الي فوقيهم والي تحتيهم بالحرب عشان يعيشوا، وهاد غير الملايين الي بتدخل تحت بند إغاثتهم من الخارج والي بالنهاية مردود كل الي بصرفوه الناس وبيجي باسمهم هان، هو على هاي الطبقة فقط، "أمراء الحرب" هل تتخلى عن حلم انك تصبح مليونير من ورا الحرب، دونها الرقاب مثلاً؟