أصوات من غزة

كتبت أسماء الددة على حسابها الشخصي على موقع فيسبوك، تعليقًا على الفيديو:

معمول العيد بس بوصفتنا الخاصة 😎

مش محتاجين لا عجوة ولا سميد ولا حتى فرن المهم نعمل اجواء العيد 🎊🥳❤️

نص محتوى الفيديو

هيضل صباح أول يوم العيد: كاسة الشاي وحبة المعمول.

هاي طقوسنا المفضلة وين ما نروح..

صح إنه ما في زيارات طويلة لأنه العيلة تفرقت وصار كل واحد نازح بمكان

وصح إنه ما في صواني معمول طالعة من الفرن لأنه ما في فرن ولا حتى بيت يتعبى بريحة المعمول

فاخترعنا معمولنا لحالنا من علبتين بسكوت مطحون ومعاهم قالب زبدة أو سمنة، نص كاسة مياه ورد، وبنعجنهم مع بعض، وبنحشيهم بعجوة أو تمر قطعناه وحطينا عليه زيت وبردو صار عجوة وحطينا عليه قرفة، ونشكلهم بقالب المعمول ونرش عليهم سكر

يمكن ما بنقدر نغير الظروف بس بنقدر نغير الوصفة