أصوات من غزة

كتبت الصحفية سلمى القدومي على حسابها الرسمي على موقع انستغرام، تعليقًا على الفيديو:

أم واطفالها يجمعون حبات العدس من الطريق لتطعم اطفالها بعد المجاعة المنتشرة في غزة.

A mother and her children collect lentils from the road to feed her children after the famine spread in Gaza.

#سلمى القدومي

 

نص محتوى الفيديو

بنقيه بالحبة، وبغسله، وبنضفه، وبطبخه للولاد..

أنا فش حدا مدور عليَ..

لا جوز، ولا أخو، ولا حد..

مليش حد..

أنا إليَ الله، ثم أولادي الأربعة هدول وبس..

مليش حد.. 

عايشة على هيك..

بستنى الشاحنة اللي تمرق، آخذ منها نصيبي ونصيب ولادي.. 

رحت على نتساريم.. وانكسرت رجلي وانقصعت..

جريت وأنا بعرج توي؛ عشان أطلع أجيب لولادي حبة رز، حبة عدس، أي اشي..

بدنا نعيش!

ايش بدنا نعمل

- ما بتوصلكوش مساعدات؟

ولا بنشوف حاجة.. 

بيقولوا لك روحوا على نتساريم، على الأمريكية..

شفنا فيها الموت والطخ فوق رؤوسنا ومخدناش اشي..

التجار بيسبقونا.. بياخدوا كل اشي.. واحنا بنلاقيش حاجة.. بنسحب حالنا وبنروح.

أنا امبارح رحت على نتساريم في الليل الساعة 2..

سكرت الخيمة على ولادي ورحت..

شفت الموت! ومع ذلك ضليت أكابر..

استودعت حالي عند رب العالمين..

كنت أقول: يارب ارزقني، انت عارف أنا ليش رايحة..

أنا ما أنا تاجرة، أنا بدي أجيب بس لأولادي الأربعة الصغار، اللي ما بعرف أبوهم هو وين ولا وين أراضيه!

مع ذلك رحت وكافحت ووصلت..

رحت لقيت التجارمخلصين طبعًا على كل اشي.. واحنا مقدرناش ناخد ولا حاجة..

فاعل خير -جزاه الله خير- لما لقاني انهارت من التعب وصرت أعيط، عطاني كيلو طحين!

بوست وجه وقفا ايدي.. وحمدت الله وروحت.