أصوات من غزة

كتب خالد بن الوليد على حسابه الشخصي على موقع فيسبوك:

وانا رايح ع السوق واقف ع الشارع بستنا كارة وفي ولد ع باب خيمة بيقلب بالجوال ومتمدد وبيقول لابوه الاخبار ولسه يدوب هما ملهمش يومين نازحين بالمنطقة المهم فجأة بقول لابوه عاااجل الدير اخلاء ابوه قله اشوووواااا، راح الولد قله بنزح معك.. ابوه قله وبتنكت كمااان نظام بنزح بدل بمزح وراح شمطوا كف سداسي تسالنيش كيف فجأة ابوه صارله ٦ اصابع، الولد بطل يجمع ياويلي.. ميلت ع أبوه يهدي حاله قلتله معلش مشيها مش قصده قلي طب ارتاح اشرب شاي معي قلتله عندي شغل بس بالله عليك ماتضرب الولد ابنك ياسيدي وحب ينزح معك لسه بده يهدى راح شخرلي وقلي اي انت كمان بتنكشش وقلي روح ع شغلك يعمي فش شاي انا ايش جابني ع منطقتكم، الحمدلله اجت ع قد هيك ومكلتش كتلة، ويبدو انه الولد حاول يعمل اجواء لأبوه وينسيه الهم اللي هما فيه بهيك مقلب بس منجحش لكن بتصور الولد نجح بانه يعمل اجواء جديدة لنفسه ياويلي لهلقيت الولد يمشي ع جنب ابصر كيف