أصوات من غزة

أجرت منصة فلسطينيات حوارًا مع الطفل "حسام العطار" الملقب بلقب "نيوتن غزة"، شاركته على حساباتها الرسمية على مواقع التواصل الاجتماعي، وعلقت عليه:

الطفل حسام العطار، ملقب بـ نيوتن غزة، يتحدث عن كيف صنع مروحة هوائية تولد الكهرباء لإضاءة الخيمة.

The child, Hossam Al-Attar, nicknamed “Newton of Gaza”, speaks about how he made a wind fan that generates electricity to light the tent.

 

نص محتوى الفيديو

-       احكيلي عنك وعن اسمك وعن لقبك

-       اسمي حسام العطار، ملقب بنيوتن غزة

-       ليش سموك نيوتن غزة؟

-       علشان بحب ألعب في الكهرباء كتير وبالشغلات الكهربائية

-       شو بتعمل يا حسام؟

-       بصنع شغلات كهربائية، بلاقي الشيء من الخردة، بجيبه وبصنع منه حاجة

-       شو عملت؟

-       صنعت اللي هو ضوء تحت الماء.. قبل الحرب، وصنعت قفل.. لقيت سيارة خربانة، أخذتها من الخردة وصنعت منها قفل

-       حكوا لي إنك مشاغب.. بتطلع الجبال وبتدور عالأغراض وأهلك كتير بخافوا عليك، كيف طلعت بهدا الشي؟ وشو عملت أنت لوصلت لهان؟ يلا..

-       مين قلك أنا مشاغب أصلًا؟،

-       قصدي يعني بتتحرك كتير

-       احنا كأنا قاعدين في مدرسة شكلنا

-       يعني شايفين شقاوة.. بتعرف.. بتحب تلعب في كل حاجة

-       بتحب تبعكش بالأشياء

-       فش شغلة ما بسيبها يعني

-       هو آه.. أنا بحب ألعب في كل حاجة لحد ما أصنع من الأشياء الخربانة شيء

-       شو صنعت آخر شيء؟

-       صنعت اللي هو طاحونة هوائية تولد طاقة كهربائية

-       احكي عنها

-        هذه الطاحونة.. في الأول أنا جبت دينامو وركبته، إنه الهوا السريع مع المروحة مع شدة الهوا يجي ويلف المروحة، تولد طاقة كهربائية وتضوي المكاين اللي عنا

-       شو رسالتك للعالم؟

-       رسالتي إنه ينفك الحصار عن قطاع غزة وإنه نرجع لبيوتنا المقصوفة، وكمان إنه حد يدعمني إنه أطلع.. أطور في مجالي كمان.. إنه اطلع مهندس كهربائي إن شاء الله