أصوات من غزة

كتبت روان صالح على حسابها الشخصي على موقع فيسبوك:

نزلوهم من قطر عالمستشفيات يشوفوا الناس كيف بتضل تنزف ساعات عالأرض وما في مكان يستقبلها وكيف أغلب الشباب صارت بدون أطراف ومرمّية بساحات المستشفيات وعالأرض بدون عناية ولا اهتمام، خليهم يشوفوا كيف الأطفال بتروح عزيكيم تجيب أكل لأهلها وبترجع محمّلة ومستشهدة، خليهم يشوفوا كيف الكادر الطبي تعبان ومش ملاحق عالحالات، خليهم يشوفوا انّه المستشفيات والمنظومة الصحيّة منهارة تمامًا، ويشوفوا انهم مش قادرين يدخلوا لا جهاز طبي ولا حتى عكاز، يشوفوا كيف لما تروح عالمستشفى فيك وجع الدنيا بتوقع قدام اللي بتشوفه وبتموت مليون موتة، يشوفوا كيف الأهالي بتبكي أولادها ويشوفوا وجوه الرجال الباهتة اللي كلها غبرة، انزلوا بس عيشوا مكاننا يوم وشوفوا اذا بتقدروا تتحملوا واذا حتتمسكوا بامه للوطن وقتها.