أصوات من غزة

شارك صانع المحتوى أحمد الجوجو مقطع فيديو بعنوان "حرامية البسكوت" على حسابه الشخصي على موقع انستغرام، تحدث خلاله عن تعرض الكثير من المساعدات التي تأتي للغزيين للسرقة ثم نزولها للأسواق بغرض البيع.

نص محتوى الفيديو

أعزائي هذا بسكوت محشو بالتمر ومدعم بالفيتامينات والمعادن

هادا إجى -يا جماعة الخير- في الطرود اللي المفروض توصل للمواطنين في غزة ولكن للأسف أنا بشتريه شرية

ومفروض أنا كمواطن ضمن المواطنين اللي عايشين في هادي الدائرة أحصل على البكيت هادا فور فري 

للأسف ما بنحصل عليه فوري فري، الحرامية بيروحوا بقشطوه وبيبعونا إياه

بيبعونا إياه بقدش؟ بـ 12 شيكل.. طبعا الـ 12 شيكل بتكلفنا 20 شيكل عمولة

ورغم أنه الموضوع مش عادي ولا مقبول، بس فكرة أنك أنت بتروح بتحاور الحرامي على السعر وتحكي له إنه كتير 12، احسب لي اياه بـ 10

بيقول لك: "لا والله ما بتوفي معي"

ولك يا ابن الحرام ما أنت سارقه! أنت سارق حصتي! 

يعني أنت سارقه! سارق كرتونة كاملة فيها 50 حبة، بتبيعني الحبة بـ 12 ليش؟

ليش يعني؟ ليش؟ عنجد ليش؟