مصري عالق في غزة
المصور
محمود سيف النصر
المتحدث
محمود سيف النصر
المكان
دير البلح
تاريخ الحدث
2024-04-11
اسم الباحث
مي حنفي
مواطن مصري عالق في غزة يناشد المسؤولين ويذكر محاولاته للعودة لمصر بعد 7 شهور عالق في الحرب
نص محتوى الفيديو
السلام عليكم
أنا مواطن مصري
اسمي محمود جمال عبد المنعم سيف النصر
وحالياً في غزة.. ومش عارف أخرج من غزة
وأهلي راحوا الخارجية مرة واثنين وثلاثة وأربعة وخمسة
وكل مرة ياخذوا أسامينا ولحد الآن -اليوم 27 رمضان- مش عارفين نخرج من غزة
يعني بقالنا سبع شهور وأنا مواطن مصري الأصل
أنا كنت هنا في زيارة عند أهل مراتي والحرب حصلت
طيب، في ناس كتير خرجت..
طب أنا المفروض مواطن مصري.. أخرج
قالوا طب خلاص خلي والدتك تروح وزارة الخارجية
والدتي راحت وزارة الخارجية، والدتي ست كبيرة وتعبانة وراحت أكثر من مرة
وراحت.. كل يومين ثلاثة تروح وهي بتقع في الطريق أصلاً
يعني هي بتقع.. تعبانة.. عندها القلب.. ست كبيرة
وأنا هنا في غزة، يعني حتى لو أنا موجود هقدر أكون معاها
لكن يعني نعمل إيه؟
مين يسمع صوتنا؟
احنا هنا في غزة وضعنا صعب
ربنا الأعلم احنا عايشين إزاي؟
وبناكل وبنشرب إزاي؟
وضعنا عامل إزاي؟
وكلمت ناس كتيرة من فنانين و ممثلين أعرفهم
كله شاف كلامي.. واللي رد عليا وقالي: هشوف الموضوع، ومردش تاني
طيب مين يا جماعة يقف معانا؟
مين يقف معانا؟
فأنا بتمنى إن صوتنا يوصل
بتمنى إن صوتنا يوصل
ونرجع بلدنا سالمين غانمين
