أصوات من غزة

كتب الصحفي يحيى العوضية على حسابه الرسمي على موقع انستغرام، تعليقًا على الفيديو:

خبز من العدس في ظل الأزمة التي نمر بها وطرق البدائل لكي نقاوم هذه المجاعة التي تحدث في قطاع غزة

 

 Lentil bread in light of the crisis we are going through and the ways of alternatives in order to resist this famine that occurs in the Gaza Strip

نص محتوى الفيديو

اليوم رح نعمل من العدس الأصفر خبز

بما إنه صار كيس الطحين ما يقارب 500$، وغير متوفر في قطاع غزة

اليوم من شمال غزة رح نعمل العدس خبز

بما إنه شعب غزة شعب البدائل، انتظرونا لآخر الفيديو

أول طريقة: بنجيب من العدس.. بنجيب العدس، العدس بنتقع ما يقارب 6 ساعات بمياه سخنة

بعد هيك بنطحن العدس على مطحنة، حتى المطحنة مطحنة بدائية كمان، بندير العدس..

من شروط بعد ما تطحن العدس، لازم تجيب 2 كيلو من العدس بعد ما تطحنه و2 كيلو من الطحين

صح صعب نوفره، لكن ممكن نوفر كمية قليلة؛ عشان نقدر نعمل كمية كبيرة من الخبز

وهان بنغسل ايدينا عشان أمي قالت إذا ما غسلت ايديك ما تمسك الطحين

بعد هيك نجيب الطحين، حطينا الطحين، حطينا خميرة وملح ومستلزمات الطحين

بعد هيك بنخلط الطحين مع العدس زي ما انتوا شايفين

وهيك بندير المياه على الطحين؛ علشان يتلين شوية

هاي هيك بنقدر نوفر لحالنا كمية كبيرة وصارت هيك عجنة كاملة، 2 كيلو من العدس و2 كيلو من الطحين

وهان هيك هينا قاعدين بنبدأ مرحلة التقطيع؛ عشان نشوف كيف العجين راح يطلع معي

بما إنه فش كهرب في غزة ولا غاز.. هيك بنخبز الخبز على الطريقة البدائية

أمي قاعدة بتنقي رغيف حليوة..

وهي هيك طلع الرغيف.. رغيف الطحين مع العدس

وهيك في ظل الأزمة اللي بنعاني منها في قطاع غزة وفي شمال غزة خصيصًا

هيك بنقدر نحارب المجاعة..

ابتكارات من قطاع غزة كل يوم