ليش بمشي حافي!؟
المصور
هاني أبو رزق
المتحدث
هاني أبو رزق
المكان
دير البلح
تاريخ الحدث
2024-04-05
اسم الباحث
أفنان فهيد
كتب الصحفي هاني أبو رزق على حسابه الرسمي على موقع انستغرام، تعليقًا على الفيديو:
ليش بمشي حافي!؟
نص محتوى الفيديو
مستغربين إني بمشي حافي، ومش لابس شبشب، بدكم تعرفوا ليش؟
تعالوا معي..
في غزة من الطبيعي إنك تشوف إنسان حافي وماشي بدون شبشب، أو لابس شبشب ممزوع، أو حتى لابس كل فردة بلون مختلف.
فللشبشب حكاية مع كل نازح ترك بيته وعاش بخيمة، ومن واقع النزوح الصعب هو إنه تلبس النساء شباشب الرجال؛ لإنه مافيه شباشب نسائية
وهذا كله نتيجة الحرب الإسرائيلية على غزة وانقطاع الشباشب اللي خلت أشخاص كتير يتشاركوا بنفس الشبشب.
وحتى إذا لقينا شبشب في السوق، فإنه سعره رح يكون 30 دولار، بعد ما كان سعره قبل الحرب 3 دولارات.
احكوا لنا عمركم تخيلتوا حالكم تمشوا حافيين وتعيشوا بدون شبشب؟
