حافٍ وتائهٌ وجائعٌ!
المصور
محمد شاهين
المتحدث
عدي يعقوب غبن
المكان
مدينة غزة
تاريخ الحدث
2024-03-01
اسم الباحث
أفنان فهيد
كتب الصحفي محمد شاهين على حسابه الرسمي على موقع انستغرام، تعليقًا على الفيديو:
التقيته صدفة تائه وقد قطع مسافة
كبيرة من أجل الحصول على الطحين
#غزة #شمال_غزة
نص محتوى الفيديو
محمد: جاي من بيت لاهيا؟
عدي: أقسم بالله!
محمد: ليش؟ أنت تايه هالقيت مش عارف حالك
عدي: آه
محمد: طب إيش جابك عهاد المنطقة؟
عدي: جيت أجيب -هادا- طحين رموه المظلات، نجيب إشي ناكله.
محمد: طيب وما لقيتش؟
عدي: أنا مش تايه، أنا مش عارف وين، بسأل بيقولوا في منطقة التوام، مش عارف الطريق والله
محمد: مش عارف الطريق بالمرة؟ ورجعت بدون إشي ولا حاجة؟
عدي: ولا إشي.
محمد: ولا جبت حاجة؟
عدي: ولا إشي
محمد: طب ليش؟
عدي: فش، ناس كتير
محمد: طيب.. وأنت عندكوا طحين ولا ما عندكوش طحين؟
عدي: ولا في عنا إشي
محمد: ولا إشي؟!
عدي: ولا إشي
محمد: طب عشان هيك جاي من بيت لاهيا، جاي جراي هان
عدي: آه والله.. أقسم برب الكعبة
محمد: فوق الـ10.. فوق ال12 كيلو هدول
عدي: آه والله
محمد: جايهم مشي وحافي؟
عدي: ماليش صندل
محمد: ليش مالكاش صندل؟
عدي: إيش بدي أسوي؟ جيت مش عارف من وين جيت
محمد: إيش اسمك؟
عدي: عدي يعقوب غبن اسمي
محمد: تعال يا يعقوب أنا بدلك ع الطريق
