أصوات من غزة

كتب محمود أبو الروس على حسابه الشخصي على موقع فيسبوك:

لما أمووت #أمانه:
إذا متت الصبح ادفنوني الصبح لا تبيتوني في #الثلاجه ..وإذا متت بالليل نيموني بغرفتي وغطوني وبس يجي الصبح #ادفنوني...
لما تيجو تعزووو عزووو ع #القبر ..ولا تروحوا كلكم مره وحده..خلي حدا يبقى عندي ويدعيلي ويقرأ على #قبري..
. .اتذكروا الأيام والضحكات وكلشي #حلو بينااااااا...

ولما تيجو ع قبري لا تبكوووو لأنو #بضايق كثير وبزعل ...ما بحب اشوف حدا يبكي #بسببي ......
وبس بدكم تحطوا على #بروفايلاتكم حطوا صور عليها دعاء خلي الناس #تدعيلي ....

ولما تتذكروني ..اتذكروا بس #الخير وادعولي عند موتي. .ادعولي لما #تنزلوني للقبر. .#ادعولي كل ما اجي ع بالكم ..لأني بكون محتاج #دعائكم أكثر من اي شي ....

لما اموت لا #تزعلوا ....احكوا ان الله اختارلي #الأفضل ...لأني وقتها بكون رحت لعند خالق هالكون..لعند الحنووون والرحيم والعادل ..اللي ما بظلم. .راح يكون احن علي من #اهلي ..لانه هوه #خلقني ...ما تخافوا علي بس #ادعولي ولا تنسوني ....

#ضحكتي رح تضل بقلب كل حدا عرفني وحبني. ..
لما اموت زوروني ...ما بحب اضل لحالي ..واحكو معي صح انا بكون عند ربنا بس بكون #سامعكم وحاس فيكم ....

لما اموووووت #سامحوني
ما حدا #ضامن عمرو ... ....
#وصيه مش مجرد منشور... أخوكم محمود ابو الروس

#دمتم-#بخير.

 

توضيح:

بعد أيام من كتابة وصيته، استُشهد محمود أبو الروس في غارة إسرائيلية استهدفت خيام عائلته في منطقة المواصي غرب خان يونس، بتاريخ 17 أبريل 2025. وقد استُشهد معه خمسة أطفال وأربع نساء من أفراد عائلته.