أصوات من غزة

كتبت مريم حجي على حسابها الشخصي على موقع فيسبوك:

اجاني سؤال غريب!

عرفت إنه قديش الناس بره عندهم جهل بموضوع غزة بعد الحرب

بتسألني هي الناس لسه في الخيم؟!

للأسف الناس في الخيم و لمدة مطولة معنا

80 % من غزة تدمرت و لسه جزء كبير من الناس ما رجعت على الشمال بسبب إنه فقدت بيتها و سبب تاني إنه ما معهم أجرة نقل

معاناة الناس مستمرة سواء شمال أو جنوب

كل اللي تغير على حال الناس هو وقف القصف و الموت حتى هذا الشيء بثواني بتغير..

الناس لسه في خيم في الجوع و البرد و بدون أي مصدر دخل

المساعدات اللي بتدخل قليلة جدا بالمقارنة مع احتياجات الناس

الناس ما معها شيكل في جيبتها ..

و حاليا تم إغلاق المعابر حتى إشعار آخر.. 

و على قد ما بنحاول نشرح الوضع بس الناس بتصدق فيديوهات القوافل و أصحاب التريندات أطول سفرة و أكبر فانوس

و أمور لا تسمن و لا تغني من جوع و مصاريف من التبرعات بتضيع في الهوى عشان شوية تصوير و تريند ..

الوضع في غزة كارثي مهما حاولنا نجمل فيه..