أصوات من غزة

كتب الصحفي هاني أبو رزق على حسابه الرسمي على موقع انستغرام، تعليقًا على الفيديو:

مليون شجرة مدمرة بغزة !

A million trees destroyed in Gaza!

نص محتوى الفيديو

مليون شجرة تم تدميرها داخل قطاع غزة بفعل حرب الإبادة اللي احنا بنتعرض إلها،

يعني.. الواقع اللي احنا بنعيشه واقع كارثي، هادي الشجرة بتعبر عن الواقع اللي احنا بنعيشه،

شجرة موجودة بين الركام

شو عن حرب الإبادة البيئية اللي احنا تعرضنا إلها؟

هادي الشجرة مزروعة بين الركام؛ عشان نحكي عن الأمل اللي المفروض يكون موجود داخل غزة

وهادي مش عبارة عن رسمة موجودة على حيطة..

لأ.. بتعني لنا شي كبير، أنه لازم يكون فيه حياة في غزة، لازم يكون فيه أمل،

لازم يكون فيه اهتمام بالواقع البيئي والصحي؛ لأنه اللي جاي عبارة عن كارثة صحية وبيئية، إذا ظل الوضع على ما هو عليه

بدعو تجمع ناشطين البيئة والطبيعة في البرازيل إنهم يحكوا عن الواقع اللي بنعيشه

ما تنسونا..

ما تنسوا غزة..

وما تنسوا البيئة في غزة..