كتب خالد عبد العزيز على حسابه الشخصي على موقع فيسبوك:

ألووووووو .... هيك سامعة ، فش إرسال عندي .،

المهم ... قولي لمصطفى إنو "عمامه وولادهم وبناتهم ونسوانهم كلهم استشهدوا وضايلين تحت الردم وبحاولوا يطلعوهم ..."

ألوووو سمعاني ... ؟

احكيلو أبوك وأخوك إيهاب أخدوهم اليهود

اسمعي تقولك "بس بينا "، ابن صلاح حكالي أخدوا ابوه اليهود وعدموا إيهاب، بس ما تبلغيه احكيلوا أخدوهم الاثنين لغاية ما نتأكد ونشوف جثته،

ولك سمعاني .. ....

ااااه دارنا نزلت، ودار عمي مجدي وكل المربع، أكم مرة بدي أجاوبك ،

المهم ... متحكيش لمصطفى إنهم عدموا أخوه ايهاب،

آه نسيت أقولك، ولاد عمتى هناء الثلاثة مفقودين ومحدش بعرف عنهم اشي من يوم النزوح الأخير ، الحين صارلها ثلاثة مفقودين بآخر الحرب وثلاثة مستشهدين بأول الحرب، والله لتنجن... .. بدي أميل عليها أصبرها ... سلام.

مكالمة بدقيقة على عربة حمار جمعتنا طريق العودة من جباليا ....