أصوات من غزة

كتب الصحفي محمد أسعد على حسابه الرسمي على موقع انستغرام، تعليقًا على الفيديو:

أصنع أفرانًا من الطين لإعالة أطفالي، ولا أنسى أبدًا فقدان بعضٍ منهم.

 

I make clay ovens to support my children, and I never forget the loss of some of them.

@mohammedasad.84

نص محتوى الفيديو

بعمل أفران للناس، بيجوا بشتروا مني، وبياخدوا يخبزوا، وبيجوا برجعوا تاني علي بردو..

فشي غاز أول شي والناس اضطرت للأفران، وبعدين الحطب كمان غالي، صار يبيعوه كمان،

والناس يعني محتاجة كتير، الغاز مش موجود بالمرة..

 25 نفر، كل واحد من ولادي معاه 7 أنفار.. 9 أنفار.. 8 أنفار

أنا اللي قايمة فيهم، أنا وجدهم..

يعني أنا بحكي ومش خايف من حدا ولا بكذب على حدا؛ لأن أنا اللي بصرف على البيت وأنا اللي قايمة في البيت

والحمد لله على اللي من رب العالمين..

- احكي لي ايش اللي صار معكوا في الحرب؟

 اتصلنا على ابني، إلا هو بيقول: "الحقني يابا، ولادي ماتوا.. ولادي ماتوا"

ايش بدي أقول أكتر من هيك.. حسبنا الله ونعم الوكيل

- كم شهيد راح عندكم في العيلة؟

عندي راح أمهم وولادها 8 باللي في بطنها.. 8

بس بقول كل وقت وكل حين، حسبنا الله ونعم الوكيل، زي ما حرموني من ولاد ابني، يحرمهم من نظرهم بس

أنا لحتى الآن متحسرة عليهم، أنا بيتي بخشوش عشانهم..

مستمرة.. أنا عشان هيك

- قادرة تشتغلي وتعطي وتعملي؟ 

قادرة عشان أقدر أنسى، بس مش قادرة أنسى، كل وقت أنا على الفرن بقعد أعيط، كل وقت..