أصوات من غزة

كتب نادر الجرف على حسابه الشخصي على موقع فيسبوك: 

كأي حد من غزة عاش حرب الإبادة، ومع عديد المواقف المرعبة واللحظات القريبة جداً من الموت ونوبات المرض مُنهكة..

إلا أنه أكثر لحظة حسيت في بالخوف الشديد، هي لحظة إدراك انه ما في شي ناكله اليوم..

اتصل ع كل الي بتعرفهم، صف ع كل طابور قدامك، لِف رفح شارع شارع.. ما في أكل اليوم!

ما بعرف بالتحديد هالرعب من الجوع شو سببه، يمكن الخوف من الموت البطيء، وأنتا بتحس الموت بيقرب منك بكل لحظة، أو خوف من الموت الذليل، الي حاولت تضل واقف بكبرياء طول هالحرب ورغم كل شي.

مُتعب ومُؤلم نشوف المجاعة رجعت لغزة تاني وخاصة أهلنا بالشمال

متعب كل ما أكلم حد من صحابي يحكيلي عن معناتهم اليومية وقصة كفاحهم المعتادة لتوفير أبسط شي ممكن ياكلوه عشان يضلوا عايشين.

حاسس بشعورهم وخوفهم ومتخيل تفكيرهم وصراعهم الداخلي وأملهم الضئيل بالناس والكبير برب الناس.

هالشي بذكرني بحديث المصطفى عليه الصلاة والسلام:

{ من أصبح منكم آمناً في سربه، معافى في جسده، عنده قوت يومه، فكأنما حيزت له الدنيا }

توافر الأكل نعمة، والشعور بالأمان نعمة، والصحة النعمة ودعائك وشعورك بأخوك المسلم أعظم أجر وعبادة

ألا أطعمكم الله من ثمار الجنة وسقاكم من أنهارها