أصوات من غزة

كتب يزن أحمد على حسابه الشخصي على موقع فيسبوك:

#كيف_الاخلاء؟

في زلمة بيبكي؟ اه فيه، انا اليوم بكيت ع البشر والحجر ولك انا بكيت قهر وحسرة ع امي وهي بتجري بالشارع شاردة من المو،ت وخايف ما اقدر احميها، ولك بكيت قهر ع اختي وهي بتبكي وبتجري بالشارع قدام الناس، ولك بكيت قهر اه ع زوجتي وهي بتبكي خايفة عليا وع الولاد وماسكة يزن وبودي وسيلينا و شاردة فيهم تحت المو،ت ، بكيت ع حالي وانا ضايع مش عارف مين امسك ومين اسند ومين احمل، ولك من قهري رحت رجعت ع الدار وبيني وبين المو،ت 30 ثانية لانهم طلعوا مفزوعين ونسيوا يأخذوا البسة، ورحت ودخلت الدار والكل يزعق عليا وانا خلص من قهري اشتريت المو،ت ولاول مرة اقسم بالله العلي العظيم اكون طالب المو،ت هيك، ومالقيت البسة وقلت شكلها شردت بعد ما حست بخطر ودعيت تكون طالعة او حد سرقها حتي ولا يصير عليها حاجة، وبعد ما قصفوا وخلصوا رجعت ع الار ووقعدت ادور بين الركام عليها وما لقيتها، وظهرت بعد ساعتين من فقدانها كانت متخبية ومحصنة حالها، بكيت فرحة وقهر وحسرة لوين وصل فينا الحال، راح كل شئ ما ظل شئ يشدنا للحياة، احنا بنتمني المو،ت بس لانه ارحم من كل هذا اللي بنشوفه، احنا بشر والله بشر، خلصونا بيكفي لاجل هالصغار وهالناس للغلابة بكفي