أصوات من غزة

كتب أحمد الشرفا على حسابه الشخصي على موقع فيسبوك:

يارب الناس هنا اتبهدلو..بطل حدا يضل سهران جمب الشهيد..بطلو الناس هنا يصرخو ويعيطو بصوت عالي بس صرنا بنسمع نحيب وعياط مكتوم..

يارب صار الشهيد يضل لحاله بالساحة للصبح وصار اهله بيسيبوه وبيروحو عالبيت يشوفو مين ضايل من العيلة..

بطلت تطلع جنازات بالبلد..

عيلة عيلة كل ليلة قبل الفجر بتموت عالسكت بدون ما يسمع حدا عنها..دايما هو ومرته وولاده..

يارب بطل حدا يصور الشهداء هنا ولا الاصابات.. بموتو عالأرض بدون سرير..بيتكفنو بأواعي النوم..الناس بتنزف وبتموت عالبلاط مش عالفرشات والسراير..بموتو وبيجي الدبان على جروحهم..ما ضل حدا يكش عنهم الدبان..ولا يغطيهم بالحرام..بينسابو ع الارض لحالهم للصبح..بطل حدا يجي يصورهم..وبطل حدا يسهر جمبهم..وبطل حد يحكي وبطل حد يشكي.