كتب محمد عقل "محمد نيولوك" على حسابه الشخصي على موقع فيسبوك:

اليوم صار معي موقف غريب جدا كنت قاعد على البحر بصيد وفجاة اجت طيارت المساعدات نزلت مظلات على البحر كان معي اغراض صيد وحقيبه تركتهم وراحت الحق المظلات؛ اخذات لي في النصيب ورجعت لاغراضي لقيت حقيبتي مفتوحه تفقدت كل اغراضي وفلوسي لقيتهم موجودات لكن الموقف الغريب كان معي نص حبة بندوره ونص رغيف خبز وربع ليمون وزجاجة مياه لقيتهم كلهم حد ماكلهم وشراب مياه وريح بس مش سارق من الحقيبه اي شي كان فيها 57شيكل لقيتهم زي ما همه قالت في عقلي هدا مش حرامي هدا شخص كان جعان وعطشان واخد لي في النصيب لكن هدا الموقف غريب وكان بامكانه ياخذ المصاري ويخد شبكة صيد وحقيبه ويتصرف فيهم لكن جوع اولاد الحلال صعب عشان هيك هدا شخص ابن حلال كان محتاج بس ياكل ويشرب يسد جوعو وانا مسامحه