أصوات من غزة

كتبت دارين أبو جامع على حسابها الشخصي على موقع فيسبوك:

الناس عاملة حاجز ع باب المكان اللي احنا فيه أي سيارة بتمر بوقفوها وإذا فيها طحين بيطخو صاحبها او بيضربوه وبياخدوه منه ، الطخ شغال طخ عشوائي وانصابوا اتنين قدام عينينا وأمي من الخوف بتجري بنص الطخ بدور ع اخوي أخوي اللي طلع يشتريلنا كيس طحين ولسا ما رجع مش عارفين عنه ولا شي ومفقود الاتصال معه

احنا قاعدين بنموت من الرعب وين عايشين؟ بأي قانون؟ بأي بلد؟ وكل هاد بسبب اللي حاكمينا بالجوع والحديد وساكتين ع اللي بيصير!

حماس والمفاوضين وقطر قاعدين يبيعونا للآخر وببيعو النا الوهم وإحنا من هان بنودع أهلنا واحد واحد!

إحنا مش صابرين إحنا مقهورين وميتين بالحياة والله لا يسامح اللي وصلنا لهان ولا يسامح اللي نام دافي وشبعان وتركنا نحترق بالخوف والقهر والجوع!