أصوات من غزة

كتبت ميرا أبو عامر على حسابها الشخصي على موقع انستغرام:

"كان يا مكان الحب مالي بيتنا ومدفينا الحنان ,زارنا الزمان سرق منا فرحتنا والراحة والامان "
عمرها ما عجزت هالاغنية ترجعني لنقطة الصفر ، لكل اشي بغزة قبل ٧ اكتوبر ، قديش كانت غز.ة مكان صغير بيحتوينا كلنا كل الناس بتعرف بعض مليانة حب وحياة ودفى، من واحنا صغار تربينا ع حب تفاصيلك البسيطة بشوارعك واسواقك وناسك، وأي حد عاش فيكي هيعرف قديش انتي غير كل الاماكن، رغم كل عيوبك كنتي بعيوننا احلى مكان بالعالم ، اجت الحر.ب وسرقتك منا ، سرقت لمتنا فيكي واحنا آمنين ومبسوطين ، كل اشي اليوم غريب علينا هان ، الدمار خرب ملامحك صرنا نمشي ب شوارعك تايهين واحنا الي كنا حافظينك شارع شارع ، حتى لمة حبايبنا فيكي اختفت ، كنتي بيت كبير النا كلنا من بعد ما رحتي واحنا ضعنا بدونك .
اشتقتلك كتير يا غ.زة يا حبيبتي ، يريت ترجعي مرة بس ونحكيلك كيف كل اشي خرب من بعدك .